قلت ارسم

""وقلت ارسم""
.
.


وقلتَ ارسِم شطوط الحلم مش زرقة
ووَرد جنينة العشاق بيتمختر على الورقة...وبالألوان
وليل نعسان_ماهوش صاحي
وكلمة أيوة مش لأه
وهمِّ تـْقيل بلون غامق
بيتعكّز على الأيام...وبِـيْـفارق
وقِوّة عشان طروف الموج ما تتكسّر
وطيبة عشان قساوةِ الرِّيح دي تتبعتر
وفرحة عشاني وعشانَك
وضحكة خطوطها بالأبيض
لكن ألواني عاصياني_ومش راضية
أوام ما اللُّون بِيِطرَح طرحُه وبـْيِرسم
يلمِّ خـْطوطه ويـْهاجر منِ الورقة
دي ألواني أكيد حاسّه بـْخطر هاجـِم!!
ولسّه يدوب بقول الكلمة واستغرب!!
والاقي ضلامه بيشقشق على اللوحة
ويتمنظر
وجوّه خطاوي بـِتـْقرّب
بيصبغ كل رسماتي
ويملا الحالي والآتي
بصوت مسموع
أنا الإسو ِد
أنا صاحي ومش نايم
أنا سيـِدهم وسايدهم
ونا النّاهي ونا الآمر
مفيش نحلم
مفيش نرسم
مفيش ألوان
.
.
.



.
__________________
[b]