دمعة _____ عين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دمعة _____ عين

***(((منتدى تيمو بلس لكل جديد)***
 
الرئيسيةالبوابةأحدث الصورالتسجيلدخول

 

 تتجوزينى ؟؟؟؟؟

اذهب الى الأسفل 
2 مشترك
كاتب الموضوعرسالة
تيمو بلس
Admin
تيمو بلس


عدد الرسائل : 178
العمر : 39
الموقع : http://timoplus.blogspot.com
تاريخ التسجيل : 04/01/2008

تتجوزينى ؟؟؟؟؟ Empty
مُساهمةموضوع: تتجوزينى ؟؟؟؟؟   تتجوزينى ؟؟؟؟؟ Icon_minitimeالسبت فبراير 28 2009, 13:30

تتجوزيني ؟!!!!!


واحد بيحب وحده شوفوا معايا حكايته





تتجوزيني ؟
ـ أفندم ؟
ـ بقولك تتجوزيني ؟
ـ !!!!!



ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !



ـ تتجوزيني ؟

وفى الاخر مات الشاب دة بعد مابقى عجوز طبعا

محدش


مفيش واحدة تتجوزنى هنا بس من غير شروط
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة !
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !



ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
ـ دونكي دي تبقى شتيمة ؟
ـ أف كورس !



ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟



ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟



ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟



ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !



ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .



ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !



( بعد سنوات) :




ـ تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !





مره تابيه راحلها وقال


ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !



(بعد سنين) ..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟



ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟



( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا ييوفقك !
ـ بتقول إيه ؟
ـ ربنا ياخدك !



(على فراش الموت) :
ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
ـ مش شامعة !
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
ـ أجوش مين ؟!!!
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
ـ إيه ؟ ..
ـ لا .. كوح .. أبدًا .. كوح .. كنت … كح كح .. بأكح !!
ـ كنت بتكح ؟!!!! .. شلامتك !! .. ما قلتليش ليه ؟!
ـ هو .. كوح .. إنتي .. لشة .. عارفـ .. ـة .. كوح كوح !
ـ بتقول إيه ؟!!
ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
ـ أجوشك ؟!! .. طب بش خد الدوا الأول !
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
ـ أيوة يا حاج .. موافقة !! .. موافقة إنك تتكوشني ..
ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع !
ـ يا حاج .. يا حاج .. لااااااااااااااااااااااااااااا
الرجوع الى أعلى الصفحة اذهب الى الأسفل
https://jhlv.ahlamontada.com
raro
مــشــرف
raro


عدد الرسائل : 83
العمر : 34
تاريخ التسجيل : 21/08/2008

بطاقة الشخصية
الغالى اوى ميدو:

تتجوزينى ؟؟؟؟؟ Empty
مُساهمةموضوع: رد: تتجوزينى ؟؟؟؟؟   تتجوزينى ؟؟؟؟؟ Icon_minitimeالثلاثاء مارس 03 2009, 14:59

هههههههههههههههههه

حلوة
الرجوع الى أعلى الصفحة اذهب الى الأسفل
 
تتجوزينى ؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دمعة _____ عين :: الفئة الأولى :: منتدى الضحك والفرفشة-
انتقل الى: